आधी ज्यान

आधी ज्यान यहाँ मेरो मन उड्छ पारि
आफूमात्र एक्लै हाँस्यौ मेरो माया मारी
अर्काको जुनी बिगारी !

मन्दिरमा कसम खान्थ्यौ नछुटिृने कत्तिकत्ति
लाग्यो होला तिमीलाई कठैबरी पाप जति !
जोडी हाँस हौँला भन्ने मुखले भन्दाखेरी
आफूमात्र पारि पुग्यौ मलाई वारि छाडी
अर्काको जुनी बिगारी !

धन मलाई चाहिँदैन मन भए पुग्छ भन्थ्यौ
तिम्रो आँसु देखेँ भने मेरो छाती दुख्छ भन्थ्यौ
सोझो मान्छे पत्याइदिएँ मोहजालमा परी
आफूमात्र टाढा पुग्यौ मलाई एक्लो पारी
अर्काको जुनी बिगारी !


शव्दः रमेश क्षितिज
स्वर: रामकृष्ण ढकाल
संगीतः सन्तोष श्रेष्ठ
गीति एल्बमः क्षितिज