यसपालिको शरद

यसपालिको शरद पनि नफुलेर गयो
मेरो मनको गमलामा नडुलेर गयो

वर्ष बिते बाटो हेरी दिन बिते औंला गनी
माया गर्ने आफ्नो मान्छे फर्किएर आउला भनी
खोलापारि फूल फूल्यो वारि मन झर्यो
जसका लागि पर्खे उसले बाइस जङघार तर्यो


कतिपल्ट मनको व्यथा पानाभरि पोख्छु
विपनीमा कुरी बस्छु सपनीमा देख्छु
रिमझिम् साउन पनि नरुझेर गयो
रुवाउने पीरति यो नबुझेर भयो


- रमेश क्षितिज
(गीति संग्रह स् आफैँ आफ्नो साथी भएँ)