कुर्दाकुर्दै

छाया बस्ने पीपलुको भुईँमा पात झर्यो
आज पनि दोबाटोमा कुर्दाकुर्दै रात पर्यो

खालीखाली घुम्तीहरु बटो रित्तैरित्तै
आफ्नो कथा सुनाइरहेँ चौपारीको ढुंङ्गासितै
किन यस्तो जिन्दगीले मैमाथि घात गर्यो
आज पनि दोबाटोमा कुर्दाकुर्दै रात पर्यो

बग्ने पानी बगी गयो किनार उदासियो
देउरालीको बताससँगै मन मेरो बतासियो
सिङ्गो खुसी पर्खी बसेँ तर आँसु हात पर्यो
आज पनि दोबाटोमा कुर्दाकुर्दै रात पर्यो


रमेश क्षितिज
(गीति संग्रहः आफैँ आफ्नो साथी भएँ)