परेलीको बर्सात

परेलीको बर्सातले छातीभित्र पहिरो गयो
बिर्सी जाने बैगुनीको सम्झना झन् गहिरो भयो

लैबरीको भाका अझै गुञ्जिरहन्छ पाखाभरि
चल्छ हुरी उडाउँदैन जो चित्र छ आँखाभरि
आँसुले नै आँखा धोएँ आँखा अझै पीरो भयो
बिर्सी जाने बैगुनीको सम्झना झन् गहिरो भयो


बित्छन् मेरा रातहरु सधैँ कोल्टे फेरिफेरि
मेरो खुसी उतै अल्झ्यो पापिनीको पोल्टाभरि
कसले सुन्छ मनको बह जब ऊ नै बहिरो भयो
बिर्सी जाने बैगुनीको सम्झना झन् गहिरो भयो

स्वर : अन्जु पन्त
संगीतः सन्तोष श्रेष्ठ
एल्बमः क्षितिज